panchthar sarang danda 3

आन बान्तवा युङ्दा
( छाम )

पारुहाङ्ग हियाङ्ग निनाम्मादाङ्का 
खाक्चिवा रेप्सा योङ्बी बेङ्याङ्सा 
सुम्निमा युङ्याङ् हेन्खामा खिम्दा
वासुरी सिकुवा चाव्वा आ लेङ्याङ्सा

आन नाक्छोङ् बानयाङ् साप्तेनादाङ्का
सोलोन्वा छुक्दा साङ्लाकेन साङ्याङ्सा
दुक्छाबुक छेकुछा वातोङ् सायाबुङ् हान्लो
पोलोइसुम आन माङ् आन रिति लामयाङ्सा

डाक बुङ्वा बारा केंवारी मिचिलीम बारा
आन बुङ्वाखादा हान माङ्सेवा दोतुम्ने
हुल्लावा तेन्दा मासाओ आन युङ्छाम
बेछुप फुप्सा साया लोङ्सा फोनयाङ्सा लोतुमने

आन छेकुछा सिम्मा सिकी डाक बायाङ्
टाङ्कोप सायाचोम लॊक्छुम टिट थुप्मा
बुवा निन बुसुनिमा खिमहुट्या सेङ्याङ्
माङ्छेम डाङ्गेन सुप्तुलुङ् ओ साया चोक्मा

पारुहाङ्ग हियाङ्ग निनाम्मादाङ्का
खाक्चिवा रेप्सा योङ्बी बेङ्याङ्सा
सुम्निमा युङ्याङ् हेन्खामा खिम्दा
वासुरी सिकुवा चाव्वा आ लेङ्याङ्सा

सोमु एवाईछा बान्तवा राई पाँचथर नेपाल
हाल :- युएई
२३/मार्च २०१६