मन्द मुस्कान तिम्रो ओठको झल्झली आइदिन्छ !
मायाँ कति हुन्छ हेर तिम्रो परेलीले गायीदिन्छ !!
सार्थक रुप भेट्छु तिम्रो नियालेर त्यहाँ हेर्दा !
काल्पनिकताभित्र रहेछु झसङ्ग भै खुल्दा पर्दा !!
पुछिदिन्छौ हत्केलाले गहबाट आँशु झर्दा !
दिईरहन्छौ सान्त्वना विपति भै एक्लो पर्दा !!
मन्द मुस्कान तिम्रो ओठको झल्झली आइदिन्छ !
मायाँ कति हुन्छ हेर तिम्रो परेलीले गायीदिन्छ !!
पाउँछु तिमीलाई त्यहीभित्र मुटु छामी त्यहाँ हेर्दा !
आँखाभरी आँशु हुन्छ यथार्थमा कोल्टो फेर्दा !!
फुट्छ त्यहाँ ज्वालामुखी चैते आँधीबेहरी !
सम्हालीन्छु आफै फेरी भौतिक संसार हेरी !!!
मन्द मुस्कान तिम्रो ओठको झल्झली आइदिन्छ !
मायाँ कति हुन्छ हेर तिम्रो परेलीले गायीदिन्छ !!! ३ !!
सोमु बान्तवा राई पाँचथर नेपाल
हाल: अल-ऐन
युएई
Comments
Post a Comment